Giklaro sa aktor nga si Eric Fructuoso ang tinuod nga kahimtang sa iyang relasyon ngadto sa aktres nga si Kim Rodriguez.
Sa usa ka interbyu, prangkang gipahayag ni Eric nga dili sila uyab.
Sumala sa aktor, lunsay nga maghigala lamang sila ni Kim ug ang hinungdan nga kanunay silang mag-kuyog tungod kay managsilingan ra sila ug parehong nagsubay sa usa ka healthy lifestyle.
Dugang pa niya, giisip niya si Kim nga mura na ug iyang kaugalingong anak tungod kay managsama sila og personalidad.
Gipasabot usab ni Eric nga gawas nga nagkatrabaho sila kaniadto sa usa ka teleserye, ubos usab sila sa parehas nga talent manager. Kanunay usab silang mag-bonding kauban ang broadcaster nga si Mark Manicad.
Samtang, sa dihang gipangutana kung usa ba siya ka babaero, nagkomedya si Eric nga dili siya babaero kondili “marupok” lang.
Matod niya, ang tinuod nga babaero mangita gyod og pamaagi aron makadani og daghang babaye—butang nga matod pa niya, wala niya gihimo.
