Walay kabutangan sa kahadlok ug kabalaka ang gibati sa usa ka inahan human nga kini nagtravel gikan sa Jeddeh, Saudi Arabia, padung na sa Kuala Lumpur, Malaysia, human nga nabantayan niini nga ang iyang anak nga usa pa ka masuso wala tapad kaniya sulod sa eroplano.
Dinhi nagtoo ang maong inahan nga wala hinganli nga nabiyaan niini ang iyang anak nga babae sa airport. Naglupad na ang gisakyan niini nga Saudia Airlines sa dihang nabantayan sa inahan nga wala ang iyang anak hinungdan nga iya kining gipahibalo sa flight crew kung diin nahinumduman niini nga iyang gipahimutang ang iyang anak sa boarding area sa terminal sa King Abdul Aziz International Airport.
Sa nasayran,usa sa mga protocol kung nakalupad na ang eroplano, dili na kini mamahimong mubalik pa, hayan usa ka video usab ang nagviral diin mihangyo ang piloto sa on-duty air traffic controller nga mubalik sila tungod kay nahabilin ang anak sa iyang pasahero.
Dili pa unta mutugot ang air traffic controller apan namugos ang piloto hinungdan nga nakabalik gyud sila sa agi.
Padayon pa nga gisuta kung nakita ba sa inahan ang iyang anak ug kung nakaabot ba kini silang duha sa Malaysia. (Huffpost)
