Estados Unidos, Nanawagan sa Hamas ug Israel nga seryosohon ang panaghisgot sa ceasefire

HAMAS-ISRAEL,WAR-Nagpadayon sa pagdasig ang Estados Unidos sa Hamas ug Israel sa pagtubag sa mga panaghisgot sa ceasefire.

Sa dihang gisugdan na usab ang ceasefire talks sa Doha, Qatar, ang tigpamaba sa US National Security Council nga si John Kirby miingon nga kinahanglang ipakita sa duha ka habig ang ilang liderato.

Ang nasangpit nga mga panaghisgot sa Doha, Qatar kabahin sa pagpatuman sa pipila ka mga detalye ug adunay pipila lamang ka mga kal-ang nga ilang giayo karon.

Sa sinugdanan, ang Hamas nagdumili sa pagtambong sa kasabutan sa ceasefire hangtod nga gipakita sa Israel ang pagkasensitibo niini bahin sa butang.

Ila pang gibasol ang Estados Unidos sa wala pagpamugos sa Israel sa pagtubag sa gibug-aton sa maong hisgutanan.