BRISBANE, AUSTRALIA-Usa ka business student ang desperado nga nangayo na og tabang para madispatsar ang dagko nga ok-ok nga nasigpatan niini sa iyang kusina.
Ang estudyante naila nga si Bhargav Chavda,24 anyos ang mi-uli sa iyang balay sa Brisbane, Australia pasado alas 10 sa gabii ug midiritso kini sa kusina para mukaon.
Samtang nag-andam kini sa iyang pagkaon, kalit matud pa niini nakita ang dagko nga mga ok-ok hinungdan nga nag panic si Chavda.
Dali dayon kini nga nagpa-advertise nga mubayad siya og 20 dollars o kapin usa ka libo pesos alang sa mupatay sa naasoy nga ok-ok. Boot pa usab niini nga madali ang pagkuha sa naasoy nga mga insekto.
Apan, inay nga makakuha og tabang ang maong estudyante, gikataw-an lamang sa mga nitezen ang iyang advertisement sanglit alang sa pipila mamahimo man kini nga madispastar nga dili na mangita pa og laing tao. – reports
