CEBU CITY-Nakuha sa usa ka estudyante sa usa ka unibersidad sa dakbayan sa Sugbo ang top spot sa bag-o lang gipahigayon nga 2023 Licensure Examination for Certified Public Accountants.
Kini sumala sa gipagawas nga resulta sa Professional Regulation Commission (PRC) adlaw nga Biyernes, Oktubre 6, 2023.
Si Hebban Talib Tawantawan nga usa ka tinun-an sa University of San Jose Recoletos sa mi-gradwar isip Magna Cum Laude sa milabay nga Disyembre 2022.
Nakakuka kini og percentage rating nga 91.17 sa naasoy nga licensure exam nga gidumala sa Board of Accountancy sa mga lugar sa N. C. R., Baguio, Butuan, Cagayan de Oro, Calapan, Cebu, Davao, Iloilo, Koronadal, Legazpi, Lucena, Pagadian, Palawan, Pampanga, Rosales, Tacloban, Tuguegarao ug Zamboanga sa milabay nga bulan.
Gipaambit usab ni Tawantawan ang nahimong reaksyon sa iyahang pamilya kung diin nakahilak ang iyahang ginikanan sa dihang gipahibalo niya kini sa iyahang nahimong achievement.
Si Tawantawan ang ikatulo nga Josenian nga nakakuha sa Top 1 nga puwesto sa LECPA, ug ingon man siya usab ang ika-50 nga Josenian nga nakasulod sa listahan sa CPA topnotchers.
Isip reward, makadawat kini og P100,000 ug usa ka bag-ong laptop sumala sa VPAR.
Sa kinatibuk-an, 2,740 ka mga accounting graduates ang nakapasar sa CPA licensure exam gikan sa 8,734 nga mga nikuha sa maong eksaminasyon.
