CEBU CITY — Gibutyag sa World Health Organization (WHO) nga sa Europe na ang bag-ong epicenter sa coronavirus pandemic.
Gihulagway ni WHO director-general Tedros Adhanom Ghebreyesus nga usa kini ka “tragic milestone” isip nag-una sa ihap sa mga bag-ong death tolls lukop kalibutan.
Tungod niini, gilusad ni Ghebreyesus ang ilang coronavirus solidarity response plan aron mapondohan ang mga health supplies nga gamiton sa mga health workers.
Gi-awhag karon sa WHO ang mga organisasyon nga pondohan ang mga masks, gloves, gowns, ug goggles alang sa health workers.
Lakip usab sa pagapondohan mao ang mga diagnostic kits ug investment sa research and development ilabi na sa paghimo niini og bakuna.
Sa pagkakaron, mitambag ang eksperto gikan sa WHO nga si Dr. Mike Ryan nga obserbahan ang social distancing aron kalikayan ang pagkatap sa maong sakit.
Apan wala gitataw niini nga usa kini ka epektibong solusyon aron kalikayan ang maong virus. (Reuters)
