CEBU – Karong adlawa, mopahigayon og inspekyon ang pipila ka hingtungdang sakop sa buhatan sa dakbayan sa Sugbo aron pagsusi sa kahimtang sa Barangay Kalunasan human gikatahong nakasinati og pipila ka pagdahili sa yuta.
Kini ang gibutyag ni Cebu City Councilor Jerry Guardo kinsa mao usay chairman sa Committee on Infrastructure sa dakbayan atol sa eksklusibong pakighinabi sa Bombo Radyo Cebu.
Uban ni Guardo nga mosusi sa maong lugar ang quicck response team, representante sa engineering department ug ang pipila sa barangay responders aron usab sa pagsecure maong lugar ug masuta kung unsa nga mga ekipo ang gikinahanglang i-deploy.
Nagkanayon si Guardo nga base sa mga hulagway nga nanggawas , gikinahanglang ipatuman ang force evacuation ug ipahimutang lang una ang mga apektadong pamilya sa barangay hall gumikan dili raman kaayo sila ingon ana ka daghan kini aron usab masigura ang ilahang kaluwasan.
