CEBU CITY-Gipusil,patay ang usa ka ex-convict nga lalaki pasado alas 2 sa hapon kagahapong adlawa sa Katipunan St. Corner A Lopez Brgy Calamba Cebu City.
Giila ang biktima nga si Steve Rodriguez, 40 anyos nga taga Tabucanal Pardo Cebu City.
Matud sa inisyal nga imbestigasyon sa kapulisan sa Sawang Calero nga gikan nisaay og e-bike ang biktima ug nilakaw padung sa Brgy Katipunan gikan sa Barangay Calamba aron makig-kita sa wala pa mailhi nga ka-meet-up.
Apan, pag-abot sa eskina, usa ka lalaki nga naka-pula nga jacket ang nibunlot og pusil ug gipabuto human misibat.
Gisubay ni Police Chief Master Sergeant Diosdado Parejas, ang investigator on case sa naasoy nga kaso nga ang biktima adunay past records sa laing estasyon diin nalambigit sa kaso nga illegal nga drugas.
Dugang pa nga gipanglantawan ang ang personal grudge nga maoy possible nga rason sa naasoy nga krimen.
Nakaangkon kini og samad pinusilan sa wala nga gusok ug narekober usab sa crime scene ang usa ka (1) bala nga 9mm ug duha (2) ka kabhang sa bala ug wala pa matino ang armas.
Sa kasamtangan, padayun pa gihapon ang kapulisan sa ilahang imbestigasyon aron mailhan ang suspek ug ilahang tan-awon ang ang CCTV footage sa maong area aron makakuha og impormasyon kung kinsa ang responsable sa maong pagpamusil.
