Ex-French Pres. Sarkozy, gikatakdang makagawas santabg miapelar sa korte

Gikatakdang buhian gikan sa prisohan ang kanhi Presidente sa France nga si Nicolas Sarkozy.

Kini nagsunod sa desisyon sa korte sa Paris nga mahimo siyang buhian samtang gihulat ang iyang apela.

Ang kanhi opisyal sa France gisentensiyahan sa pagkabilanggo niadtong Septyembre tungod sa kriminal nga panagkunsabo.

Nalambigit siya sa usa ka laraw aron pondohan ang iyang kampanya sa pagkapresidente niadtong 2007, nga ang pondo gikan sa Libya baylo sa diplomatikong pabor.

Miingon siya nga ang iyang 20 ka adlaw nga pagpuyo sulod sa pasilidad sa prisohan hilabihan ka lisod.