Gibarugan sa 18 ka kanhi Marines o sundalo nga nagpaila sa ilang kaugalingon nga kanhing miyembro sa Marine Corps o sundalo nagpamatuod sa sulod sa ilang gipanumpaang mga pahayag nga gisumiter sa Office of the Ombudsman.
Apil niini ang giingong paghatud sa mga maleta nga puno sa kwarta gikan ni kanhi Ako Bicol Party-list Rep. Zaldy Co ingon man pipila ka mga opisyal sa gobyerno.
Bisan ang mga magbabalaod o representante sa Kongreso lakip na niini si kanhi Marikina 2nd District Rep. Stella Quimbo.
Sa usa ka pagpakighnabi kang Belnard Tube ug Benny Bulontate, lakip sa mga kanhing sundalo, ilang giinsister ang ilang testimonya nga naghatud sila og mga maleta nga puno sa kwarta sa balay sa nalambigit nga kanhing kongresista.
Gisuportahan nila kini sa mga litrato ug gikumpirma pa gani nila nga sila ang tag-iya sa balay.
Base sa ‘joint-affidavit’, giingon nga ang sulod sa usa ka dako nga maleta nga gihatud gibana-bana nga 50-70 milyon ka pesos ang kantidad samtang ang gagmay anaa sa mga 15-25 milyon ka pesos.
Si Quimbo miyembro sa bicameral conference committee ug nagsilbi nga vice chairperson sa House Appropriations Committee atol sa deliberasyon sa 2025 national budget.
