Nagsang-at kaso batok sa Miss Universe Organization (MUO) si kanhi Miss Jamaica Gabrielle Henry, human siya aksidenteng natumba gikan sa entablado sa miaging tuig.
Gipasaka ni Henry ang kaso sa Delaware Supreme Court batok sa MUO ug sa duha ka kompanya nga nagdumala niini, ang JKN Legacy Inc. ug Legacy Holding Group.
Lakip sa mga reklamo ang negligence, premises liability, ug negligent hiring, retention, ug supervision , ingon man ang pagpahinabo og intentional infliction of emotional distress.
Nasayran nga nakaangkon si Henry og traumatic brain injury, acute subarachnoid hemorrhage, frontal lobe hemorrhagic contusion, ug subdural hemorrhage human siya natumba gikan sa entablado.
Nahitabo ang aksidente niadtong Nobyembre sa miaging tuig atol sa preliminary competition sa Miss Universe.
Tungod sa maong insidente, na-ospital siya sulod sa hapit usa ka bulan, usa ka kasinatian nga giisip niya nga makalilisang ug makapaguol nga higayon sa iyang kinabuhi.
