CEBU CITY-Gipirmahan na ni Cebu City Acting Mayor Raymond Alvin Garcia, ang excavation permit sa Metropolitan Cebu Water Districts alang sa ilang water pipe distribution project sa rural barangay sa dakbayan sa Sugbo, Mayo 27, 2024 .
Gibana-bana nga anaa sa 11 ka barangay ang coverage sa nasangpit nga proyekto, apan ang water district magsugod og anaa sa unom pa alang sa ilang pagpangubkob sa “Pipeline Expansion Project”.
Gilauman nga mahuman ang maong proyekto sulod sa 6 o 8 ka buwan nga makahatag ug suplay sa tubig sa mga barangay sa Agsungot, Apas, Binaliw, Busay, Cambinocot, ug Guba.
Apil sa maong pagpirma sila si MCWD Board Chairman Jose Daluz III ug General Manager Edgar Donoso.
Sa pakighinabi kang Jose Daluz III,gitino niini nga ang water district niadtong Marso sa miaging tuig pa sila nagpaabot og excavation permit, apan wala mopirma si Suspended Cebu City Mayor Michael Rama sa maong excavation permit sa wala nila matino nga rason.
Dugang pa, nga niining maong kalambuan, makapadayon na ang MCWD sa pagbutang og mga tubo nga magsuplay og tubig sa mga bukirang barangay sa dakbayan sa Sugbo, nga wala pa sukad makonektar sa water district.
