Pagasusihon pag-usab sa bag-ong proceedings o trial sa Court of Appeals sa Timor-Leste ang extradition case ni kanhi Negros Oriental 3rd district Rep.Arnolfo Teves Jr. sumala sa Department of Justice.
Gumikan niini, gipaabot nga madugay ang extradition sa gitaktak nga magbabalaod nga gikonsiderar nga utok sa pagpatay kang kanhi Gob. Roel Degamo ug laing 9 ka indibidwal.
Sumala sa DOJ, ang bag-ong trial miresulta gikan sa procedural objections sa mga abogado ni Teves sa Timor-Leste.
Dugang pa, nga tataw nga ang maong lakang gikonsiderar nga kataposan ug gihimo nalang human sa proceedings nga ang desisyon dili pabor sa kanhi magbabalaod.
Giingon usab sa ahensya nga sa balaod sa Pilipinas, gidili kini ubos sa prinsipyo sa estoppel nga nagdili sa usa ka partido sa paghagit sa mga isyu sa pamaagi kung kini aktibo nga miapil sa proseso ug napakyas sa magpataas sa objections sa sayo pa.
Bisan pa niini, masaligon ang DOJ nga ang resulta sa bag-ong husay mahisama sa miaging desisyon sa CA ug atubangon ni Teves ang daghang kasong pagpatay nga gipasaka batok kaniya sa korte sa Pilipinas.
Matod ni Justice ASec. Mico Clavano mopresentar sa samang ebidensiya sa bag-ong proceedings apan ning higayona atubangan sa 3 ka huwes.
