TALISAY CITY-Gisuspenso sa kagamhanang dakbayan sa Talisay ang Face-to-Face classes sa tanang pampublikong tunghaan niini sa umaabot adlaw sa Martes, Oktubre 15, 2024.
Tungod kini sa pagsaulog sa dakbayan sa Kapistahan sa patron niini nga si Sta. Teresa de Avila.
Gi-anunsyo ang maong kamandoan ni Talisay City Mayor Gerald Anthony “Samsam” Gullas pinaagi sa iyang opisyal nga social media account aron paghatag ug higayon sa mga tinun-an sa dakbayan nga makabisita sa simbahan ni Sta. Teresa de Avila sa paghinumdum sa adlawng kapistahan niini.
Dugang pa nga ang tanan mga performers sa nahitabong Halad Inasal Festival kagahapon sa adlaw sa Dominggo, Oktubre 13 kay adunay lugway sa dili us apagtunga sa klase karong adlawa sa Lunes isip pahuway sa nahitabong pasundayag.
Apan matod ni Mayor Gullas nga sa bahin sa mga pribadong tunghaan ug sa Talisay City College kay natagak sa desisyon sa ilang mga School Presidents ang hukom sa suspensyon sa face-to-face classes.
Ingon man nga nanumbalik ang regular nga schedule sa klase sa umaabot adlaw sa Miyerkules, Oktubre 16, 2024.
