Nisaka ang presyo sa bugas sa umahan niadtong Enero 2026, basi sa report sa Philippine Statistics Authority (PSA).
Ang monitoring sa ahensya nagpakita nga ang presyo sa bugas kada kilo miabot sa P20.10 sa miaging bulan, mas taas og duha ka piso kon itandi sa P18.01 nga presyo niadtong Disyembre.
Bisan paman, ang presyo mas ubos gihapon gamay kon itandi sa presyo sa umahan niadtong Enero 2025.
Ingon man nga nisaka usab ang presyo sa regular milled rice sa sayong bahin sa Pebrero kon itandi sa Enero.
Basi gihapon sa datos sa PSA, ang presyo misaka og 4.1% gikan sa miaging P43.76 kada kilo ngadto sa kasamtangang P45.54 kada kilo.
Bisan pa, kon itandi sa samang bulan sa miaging tuig, ang aberids nga presyo karong tuiga mas ubos tungod kay ang presyo sa regular milled rice kay P47.77 kada kilo.
Kini mas taas og duha ka piso kon itandi sa kasamtangang presyo.
