FDI sa Pilipinas, miubos og 17.8 porsyento sa unang tunga sa tuig

Misaka pag-usab ang dagan sa foreign direct investment (FDI) ngadto sa Pilipinas niadtong Hunyo, diin mitala kini og pagsaka nga 35.1 porsyento o $447 milyon gikan sa $331 milyon sa susamang bulan sa miaging tuig.

Apan, sa kinatibuk-an, miubos gihapon ang FDI og 17.8 porsyento sa unang unom ka bulan sa tuig, ngadto na lang sa $3.38 bilyon gikan sa $4.12 bilyon.

Sumala sa Bangko Sentral ng Pilipinas, ang mga nag-unang hinungdan niini mao ang pagkunhod sa pagpangutang gikan sa gawas sa nasud sa mga lokal nga kauban sa mga langyawng kompanya ug ang pagkunhod sa kita nga gipuhunan pag-usab (reinvested earnings).