-- ADVERTISEMENT --
CEBU – Nakasakay naba ka og ferris wheel?
Adunay usa ka grupo sa Barangay Marnay, Sinait, Ilocos Sur ang nihimo og ferris wheel aron masinati kung unsa ang bation kung mosakay sa among butang.
Gumikan siguro sa kalisud sa panahon ug kasamtangan pang nag-atubang sa pandemya ang nasud, minos lang makita sa matag lugar ilabi na kung fiesta ang maong ferris wheel.
Hinungdan, nga nakahuna-huna kining usa ka grupo sa paghimo niini apan gamit lang ang kawayan.
Makita sa nanggawas nga hulagway nga gipost sa usa ka Jay-Ann Farinas , ang kalingaw sa mga nisakay sa maong ferris wheel apan dili usab malikayan nga adunay mabalaka gumikan sa mga materyales nga gigamit sa paghimo niini.
-- ADVERTISEMENT --
Apan sa sumatotal daghan kaayo ang nalingaw niini ug libre pa.
