CEBU CITY — Dismayado si Lapu-Lapu City Mayor Ahong Chan human masayran nga mi-ahwag ang ABC President sa mga kapitan sa dakbayan nga dili mosalmot sa ABC Night atol sa ilang kapistahan.
Matud ni Chan nga siya mismo ang nitawag sa kapitan agi og hangyo nga motambong sa maong kalihukan isip halad sa unang adlaw sa nobenaryo sa birhen sa Regla.
Gihulagway sa mayor nga walay respeto si ABC President Edi Cuizon gumikan kay siya mismo ang nanawag sa wala pa ang maong kalihukan apan wala naghisgot si Cuizon.
Atol sa pagtawag niini, pipila ang nikumpirmar apan nagduha-duha usab ang uban sa pagtambong.
Samtang gihimakak ni Cuizon ang pasangil sa mayor mahitungod sa wala pagtambong sa ilang naandang tradisyon, nga mao ang pagtapok isip halad sa kapyestahan.
Matud ni Cuizon nga adunay kaugalingong panghuna-huna ang mga kaubanang kapitan.
Wala hinuon kini mikomento sa maong alegasyon mahitungod sa giingong pag-boycott sa mga kalihukan sa ABC Night.
Nagtuo usab si Cuizon nga hugaw ang panghuna-huna sa mayor sanglit gitahud niya ang mga lakang.
