Gianunsyo ni FIFA President Gianni Infantino niadtong Dominggo, Oktubre 26 ang paglusad og bag-ong regional football competition nga mao ang FIFA ASEAN Cup nga langkuban sa 11 ka mga Southeast Asian countries.
Matod ni Infantino nga ang torneyo ipahigayon sulod sa FIFA International Match Calendar aron mapadako ang epekto niini sa rehiyon nga adunay populasyon nga mga 700-milyones.
Ang iyang mga komento migawas human sa pagpirma sa usa ka memorandum of understanding (MoU) sa pagpalambo sa regional football atol sa ika-47 nga ASEAN Summit sa kaulohan sa Malaysia nga Kuala Lumpur.
Ang MoU gipirmahan ni Infantino ug ASEAN Secretary-General Dr. Kao Kim Hourn, uban ni Prime Minister Anwar Ibrahim, ang kasamtangang chairman sa ASEAN 2025.
Dugang pa ni Infantino nga ang global football governing body komitado sa pagpakusog sa mga paningkamot niini ug pagpalapad sa mga inisyatibo sa kalamboan sa rehiyon pinaagi niining kasabutan.
