Nakalas ang kinabuhi sa usa ka Filipina caregiver samtang gitabangan niini ang iyang gibantayan nga makabakwi sa
bomb shelter.
Mao kini ang gikumpirmar ni Presidente Ferdinand Marcos Jr. niadtong Domingo, Marso 1.
Sa usa ka video message sa iyang social media account, ang Presidente miingon nga ang biktima, nga giila nga si Mary Ann Velasquez De Vera, gikan sa Pangasinan, namatay human maigo sa shrapnel gikan sa usa ka Iranian drone nga natumba.
Gawas kang Mary Ann, ang iyang amo wala usab nakaluwas sa airstrike.
Dugang sa Presidente nga ang biktima gikumpirmar sa iyang bana, kinsa usa usab ka OFW sa Israel.
Subay niini, misaad ang gobyerno nga mohatag sa tanan nga gikinahanglan nga tabang sa pamilya sa namatay.
Samtang, nanawagan si Bise Presidente Sara Duterte sa mga Pilipino sa Middle East nga mag-amping ug mohimo sa mga kinahanglanon nga lakang alang sa ilang kaluwasan human sa nagkagrabe nga tensyon ug panag-away sa rehiyon.
Gitambagan usab sa Bise Presidente ang mga Pilipino nga likayan ang mga lugar nga adunay mga operasyon sa militar ug dagkong mga panagtapok, ug bantayan ang mga opisyal nga tambag gikan sa mga lokal nga awtoridad ug sa Ministry of Foreign Affairs sa nasud nga ilang gipuy-an.
