Nibalik na sa training ang 22-time Grand Slam champion ug tennis icon nga si Rafael Nadal, halos usa ka tuig human sa iyang pagretiro.
Sa bag-ong post sa tennis legend, makita nga nag-training uban kaniya ang Filipino tennis star nga si Alex Eala sa Rafa Nadal Academy.
Nalipay si Nadal nga nakabalik na sa tennis court, samtang giila usab ang kahanas sa Filipina tennis player.
Nagkomedya pa si Nadal nga mas kusgan pa ang iyang atubangon kang Eala sa sunod nga higayon.
Katapusang nakigtigi si Eala sa singles category sa Hong Kong Open niadtong Oktubre 30, diin wala siya nakaabot sa Round of 16 batok sa Canadian tennis player nga si Victoria Mboko.
Niretiro si Nadal niadtong 2024 human sa taas nga karera sa professional tennis, diin usa sa iyang labing inila nga rekord mao ang pagka-World No. 1 sulod sa 209 ka semana.
