Natapos isip Top 12 finalist ang Pinay beauty queen nga si Asia Rose Simpson sa Miss World 2026 nga gipahigayon niadtong Septiyembre 5 sa Nha Trang, Vietnam.
Wala man siya makasulod sa Top 6, apan nakahatag siya og lig-on nga performance atol sa kompetisyon.
Ania ang unom ka kandidata nga nakasulod sa Top 6:
Eritrea — Snit Habteab Tewoldemedhin (People’s Choice winner)
Malaysia — Taanusiya Chetty (Beauty With a Purpose winner)
Vietnam — Le Nguyen Bao Ngoc
Dominican Republic — Joheirry Mola Dominguez
Spain — Elisabeth Reynés Alabern
South Africa — Romanda Hombir
Sa wala pa gipahibalo ang Top 6, gihatagan og higayon ang Top 12 finalists nga motubag sa pangutana atol sa question-and-answer portion sa kompetisyon.
Gipakita usab ni Simpson ang iyang rose-colored gown atol sa opening ceremony sa Miss World 2026 Finals.
Ang lotus-inspired evening gown gidisenyo ni Ryan Ablaza Uson ug nagsimbolo sa katahom, kaputli, ug kalig-on nga girepresentahan sa bulak nga lotus.
Dugang sa iyang performance sa finals, nakasulod usab si Simpson sa Top 3 sa talent competition sa pageant.
