“Road to Paris 2024!”
Mao kini ang gi-post sa Filipino Boxer nga si Carlo Paalam human siya nakadaog ug nakabaton og luna arun makigtigi sa Paris Olympics 2024.
Kini tungod kay malampuson niyang gipildi ang iyang kaatbang nga si Sachin Siwach sa India pinaagi sa unanimous decision sa men’s 57kg event sa 2nd Olympic Boxing Qualification Tournament nga gipahigayon sa Thailand.
Matod ni Paalam, dako ang iyang pasalamat sa Ginoo nga Diyos tungod kay nakompleto niya ang pagkuha og tiket sa nahisgutang Olympics, ingon man ang iyang sinsero nga pagpasalamat sa Philippine Sports Commission, Association of Boxing Alliance in the Philippines ug sa iyang pamilya nga walay kakapoy sa pagsuporta ug pagsalig kaniya.
Si Paalam ang ika-14 nga atleta nga magrepresentar sa nasud sa Paris Olympics karong Hulyo 2024.
