CEBU – Gipahigayon sa Regino Mercado Elementary School sa Barangay Pahina Central, syudad sa Sugbo, ang final testing and sealing sa mga Vote Counting Machines (VCMs) nga gamiton alang sa umaabot nga pinili-ay sa Mayo 9.//
Gipahibalo ni Sheila Pancho, ang principal sa naasoy nga tunghaan, nga usa sa pito ka mga VCMs ang mipalyar, apan dali kini nga gibalik sa Comelec Cebu City, alang sa pagsusi niini sa deso-tech.//
Matud pa, mukabat sa 5,320 ka mga botante ang gilauman nga mubotar sa naasoy nga tunghaan.//
Gidugang pa ni Pancho nga sa ilahang tunghaan adunay pito ka mga clustered precincts, diin tulo ngadto sa upat ka mga presinto ang gilangkoban niini.//
Gisiguro usab sa school official nga adunay mga technical support staff nga on-standby sa matag presinto arun nga mao ang dali nga makasusi sa VCM kung ugaling kini mupalyar.//
Hangyo na lang ni Pancho sa mga botante nga musubay sa gihapon sa health and safety protocols, ingon man nga mulinya lang ug tarung arun nga malikayan ang pagdasok sa mga voting precincts.//
