Fireworks facility sa Northern California, nibuto

Usa ka kusog nga pagbuto ang nahitabo sa usa ka fireworks facility sa Esparto, Yolo County, California, diin makita sa video ang baga nga aso nga misaka sa hangin ug makita sa mga bahin sa siyudad duol sa Sacramento.

Gawas sa nag-unang pagbuto, daghang mga pabuto usab ang mibuto sa hangin, sumala sa video footage.

Kini maoy hinungdan sa dakong sunog nga maoy nakaaghat sa pag-isyu sa mandatory evacuation order alang sa duol nga mga residente.

Giimbistigahan usab sa CalFire’s arson bomb unit ang hinungdan sa pagbuto.

Gigamit usab sa mga awtoridad ang mga drone aron masusi ang gidak-on sa kadaot.

Sa pagkakaron, wala pa’y kompirmadong taho sa mga naangol o namatay sa maong insidente.