Gipangsunog pinaagi sa usa ka solemn ug pormal nga seremonyas ang mga karaan, guba, ug nilubad nga mga Philippine Flags sa gipahigayon nga Flag Burning Ceremony sa Cebu City Science High School kagahapong adlawa. Mayo 29, 2026.
Kini subay sa mandato sa balaod nga Sec. 14 sa Republic Act 8491 o Flag and Heraldic Code of 1998 nga naga-ingon nga ang mga bandila nga karaan, nangagusbat o milubad ang mga kolor, dili angay ilabay kundi kinahanglan sunogon sa usa ka solemn nga seremonyas sa pagsunog aron di kini magamit sa dili angay nga paagi o sa pagbugal-bugal.
Matud ni Atty. Bryner Diaz, Division Chief sa Cebu City Cultural and Historical Affairs Office, nga mamahimo nga makapahigayon ang mga pribadong mga entities ug nagkalain-laing buhatan sa gobyerno sa pagsunog sa National Flag, basta solemne lang ang pagpahigayon niini og nahisubay sa balaod.
Dugang usab niini, nga gidili usab ang paggamit sa National Flag kung kini panamastamasan lang, paggamit niini isip kasangkapan panahon sa mga pasundayag lakip na ang pagpataka og labay o pagisi-gisi niini ng mamahimong moresulta sa pagkapriso o pagbayad og multa.
Ang flag burning ceremong gipanguluhan sa Cebu City Cultural and Historical Affairs Commission sa ug gipagatambungan sa pipila ka mga opisyal sa dakbayan nga sila Cebu City Councilor Joel Garganera, Councilor Francis Esparis, ug Councilor Harold Go.
