Nitipas ang Delta Airlines flight gikan sa Detroit paingon sa Amsterdam human ang mga pasahero naserbisyuhan og mga daot nga pagkaon.
Ang flight mitugpa sa JFK airport sa New York tungod sa isyu apan ang usa ka tigpamaba sa Delta wala pa makahatag sa tibuok detalye.
Sumala sa mga opisyal, ang bahin sa pagkaon sa manok sa eroplano sa main cabin nadaot ug daghang mga pasahero ang nangasakit ang tiyan.
Nihatag dayon og hinabang ang mga medical crew sa mga apektadong pasahero sa dihang nanaog sila sa New York.
Diin adunay 277 ka mga pasahero ang sakay, apan wala gikumpirmar sa mga opisyal sa Delta ang eksaktong gidaghanon sa mga naapektuhan sa nadaot nga pagkaon.
Apan, matud sa usa ka source nga adunay kahibalo sa sitwasyon, nga anaa sa 70 ka mga pasahero ang nasakit human makakaon sa pagkaon.
