CEBU CITY-Napatay sa usa ka sakop sa bombero ang giingog kawatan sa Barangay Inayagan, dakbayan sa Naga human kini nabantayan ang kasikas sa maong indibidwal.
Giila ang biktima nga nahimong suspek nga si FO1 Terencio Piñas Lape, 33-anyos, sakop sa Bureau of Fire Protection nga nadestino sa Cebu Business Park Sub-Station ug taga Sitio Santo Niño, Brgy. Inayagan dakbayan sa Naga samtang ang biktima giila nga si Christian Nuñez.
Base sa imbistigasyon nga gipangulohan ni PltCol. William Homoc, ang hepe sa Naga Police Station nga gilungkab ang panimalay ni Lape nga adunay bitbit nga kutsilyo, ingon man nga nakuha niini ang usa ka laptop nga mobalor og P18,000.
Apan, wala kini nagmalampuson gumikan nabantayan kini ni Lape ug nimugna og komosyon.
Ug sa pag-abot sa mga kapulisan, naabtan nila si Nuñez nga nag-ubo ug wala na’y panimuot nga gigapos og pisi ang duha niini ka mga bukton ug tiil ingon man nga gisuwayan pa og dala sa tambalana apan nakabsan na kini sa iyang kinabuhi samtang ang bombero nakaangkon usab og samad human kini gipaak sa biktima.
Sa pagkakaron ang Fire Officer anaa sa kustodiya sa City of Naga Police station ug gipaabot nga pasakaan og tukmang kaso, samtang ang patay nga lawas sa biktima , ipaubos sa autopsy aron masuta ang hinungdan sa iyang kamatayon.
