Gipalukapa sa Philippine men’s national football team ang Maldives sa iskor nga 4-1 sa ikatulong hugna sa AFC Asian Cup 2027 Qualifiers.
Diin si Jefferson Tabinas maoy miiskor sa unang goal, nga iyang napuntos sa ika-15 nga minuto sa duwa nga gipahigayon sa New Clark City Athletics Stadium sa Capas, Tarlac.
Pipila ka minuto ang milabay, nakapuntos si Bjorn Kristensen aron hatagan ang Pilipinas og 2-0 nga labaw sa pagtapos sa first half.
Pagsulod sa second half kay si Ali Fasir sa Maldives miiskor sa goal sa ika-62 nga minuto aron mahimo kining 2-1.
Sa misunod nga mga minuto, si Randy Schneider mi-iskor sa ika-77 nga minuto aron mahimo kini nga 3-1 ug sa ika-92 nga minuto, si Sandro Reyes miiskor sa katapusang tumong aron maselyohan ang duwa sa 4-1.
Ang Pilipinas nagbitbit na og 1-0 nga labaw sa Group A diin sunod nilang ikasangka ang Tajikistan, Timor-Leste sa double-round.
