-- ADVERTISEMENT --
FRANCE-Nagpagawas ang France og travel warning batok sa Iran.
Sumala sa foreign ministry sa France, ang ilang mga lungsuranon sa Iran kinahanglan nga mobiya dayon tungod sa pagtaas sa tensyon.
Kini human nga nihulga ang Iran nga ilang panimaslan ang kamatayon sa
Hamas political leader Ismail Haniyeh diin gibasol ang Israel.
Samtang gitambagan sa Poland ang mga lungsuranon niini nga likayan ang pag-adto sa Lebanon, Israel ug Iran.
Dugang pa, nga sa kadaghan sa mga turista nga moadto sa nahisgutang mga nasud, hayan maglisod na sila og balik busa mas maayo nga dili na lang moadto sa nahisgutang mga dapit.
-- ADVERTISEMENT --
Una niini, gikansela sa LOT Polish Airlines ang walo ka mga flight sa Lebanon ug Israel tungod sa mga kabalaka sa seguridad.
