French actor Alain Delon, mitaliwan na sa edad nga 88-anyos

Mitaliwan na ang sikat nga French actor nga si Alain Delon sa edad nga 88-anyos.

Matod sa iyang pamilya, namatay kini sa ilang balay sa Douchy nga gilibotan sa iyang tulo ka mga anak.

Bisan og wala pa mahisgoti ang hinungdan sa iyang kamatayon, giatake kini sa kasingkasing niadtong 2019 ug sukad niadto mihuyang na ang iyang lawas.

Niadtong 1957 nibida kini isip hitman sa salida nga “Quand la femme s’en mile” o “Send a Woman When the Devil Falls”.

Sukad niadto nagsunodsunod na ang iyang mga salida.

Nadaog niini ang best actor award sa Cesar Award, ang katumbas sa France sa Oscar awards.