CEBU CITY-Nagdangoy-ngoy nga mihangyo ang usa ka vendor sa Colon ngadto ni Cebu City Mayor Edgardo Labella nga unta dili lang sila pahawaon sa Colon tungod kay wala silay laing panginabuhi-an.
Ang vendor giilang si Virginia Dela Cerna, usa ka person with polio ang midangop sa Bombo Radyo Cebu aron nga mapaabot sa mayor ang iyang yango-ngo.
Kini tungod kay matud pa sa meeting si Racquel Arce ang head sa PROBE ra matud pa ang ilang makita ug wala ang Mayor.
Nagbakho nga nagpakilooy si Virginia nga unta kaloy-an sila ug dili na sila dayonon sa pagpahawa sanglit gibuhat na matud pa nila ang unang mando sa city goverment nga inoras na ang ilang pagbaligya ug sinukod na ang ilang pwesto.
Dako matud pa ang mawala ni Dela Cerna kung maundang siya sa pagtinda tungod kay mao lang kini ang iyang nahibaw-an ug mao kini ang nakapa-eskwela sa iyang anak.
Bisan matud pa ug maglisod siya sa paglakaw iya kining gi-antos.
Una na nga gipasabot ni Arce nga wala pay ‘mando’ o ‘advice’ si Mayor Labella kung papahawa-on ba gyud sila sa Colon apan gipangandaman lamang kini nila tungod sa dako nga posibilidad.
Apan giklaro usab sa head sa Probe nga ipahimutang sa laing lugar ang mga vendors kung hingpit na nga limpyohan ang dalan colon.
