Gikompirmar sa Department of Justice nga ang Manila City Regional Trial Court nipagawas og gag order sa kaso ni kanhi Negros Oriental 3rd District Representative Arnolfo Teves Jr.
Matod sa DOJ, gidid-an ang kampo sa DOJ ug Teves Campa sa pag-estorya o pagluwat og pamahayag kalabot sa mga kaso nga gipasaka batok sa kanhi magbabalaod kalabot sa pagpatay kang Negros Oriental Gov. Roel Degamo ug laing siyam ka mga indibidwal.
Pagpasabot ni Justice Assistant Secretary Atty. Mico Clavano, ang gag order nagdili sa mga abogado, kampo ug mga testigo sa pending nga kaso sa paghatag sa ilang komento.
Kon kahinumdoman, gikan sa Negros Oriental Court, gimando sa SC nga ibalhin ngadto sa Manila RTC ang hearing sa Degamo slay case, nunot usab sa hangyo sa DOJ.
Ang DOJ usab adunay usa ka closed door discussion kalabot sa maong butang.
