Nasikop sa mga operatiba sa National Bureau of Investigation Cebu District Office (NBI-CEBDO) ug Central Visayas Regional Office; ug sa Philippine Dental Association ang upat ka mga dili lisensyadong dental technicians human maaktohan nga nag-operate og ilegal nga dental laboratory didto sa Sitio Eagles, Brgy. T. Padilla, Cebu City niadtong adlawng lunes. Abril 20, 2026.
Ang mga nadakpan nailhan nga sila Paul Jason Fortuna Bergamo, Lhordlyndhon Ambus Quiñones ug Vince Sian Josephn Ambus Quiñones, hamtung ang panuigon, ug mga dental technicians sa naasuy nga laboratory nga gina-operate ni Ronie Ray Camolista Aninon, kinsa maoy gitumbok nga subject sa maong operasyon.
Nasakmit sa posesyon sa mga suspetsado ang dose-dosenang mga dentures o pustiso ug mga ekipo sa paggama niini, gawas niana, nakuha usab ang entrapment money nga gigamit sa mga awtoridad sa maong operasyon
Matud pa ni Arnel Pura, pangu sa NBI-CEBDO, sukad niaging tuig pa nga gipanid-an maong ilegal dental laboratory ug sa ilang pagpakisusi inubanan sa representante sa Philippine Dental Association nga di Dr. Felix Asoy, nasayran nga nag operate bisan walay awtorisasyon gikan sa maong buhatan ang dental laboratory. Diin ila pud natino nga dili lisensyadong dentista ang operator nga si Aninon ug wala puy pormal na training ug akreditasyon gikan sa Philippine Dental Association ang tulo ka mga kaubanan niini.
Nagdumili sa paghatag ug pamahayag ang mga suspetsado ug karon anaa sila sa kustodiya sa NBI-CEBDO diin mag-atubang sila ug mga asunto may kalabot sa kalapasan sa R.A. 9484 o The Philippine Dental Act of 2007.
Subay niini, gitino ni Dr. Felex Asoy, ang Former President of PH Dental Association Cebu, kung unsa ang epekto niining illegal nga kalihokan ilabai na kung modapit sa susamang mga dili lisensyadong mga dentista.
Matos ni Asoy, ang pagpakonsulta sa mga dili lisensyadong mga dentista, makahatag og kadaot sa kahimtang sa panglawas sa usa ka indibidwal, partikular na nga mamahimo kining rason sa oras cancer.
Mipadangat usab si Asoy og mahinungdanong mensahe sa mga suspitsado diin giingnan kini nga ang mga lisensyadong nga mga dentista nag-antos og 6 katuig nga pag-skwela, nagbayad og dagkong kantidad alang sa tuition, apan yano lang nga gikuha sa mga pekeng dental technicians.
Hinungdan nga sa kung unsa man ang sunod nga lakang pagahimuon alang sa mga suspitsado, gikabutyag ni Asoy nga padayonon nila kini bisan babag sa kabuot sa pekeng dental technicians tungod kay responsibilidad nila kini.
