Cebu City-Gitutukan karon sa Police Regional Office-7 (PRO-7) ang mga giingong pag-awhag sa mga minor de edad nga mamahimong miyembro sa usa ka gang nga gitoohang drug courier.
Kini human nga nagreklamo ang mga ginikanan sa pipila ka mga minor de adad sa Brgy. Basak Pardo dakbayan sa Sugbo tungod kay matud pa nakit-an nila nga adunay mga bun-og ug mga lagom ang ilang mga anak senyales nga kini mi-agi og paddle ug giingong gi-recruit sa usa ka gang para himoong drug courier.
Matud ni PRO-7 Regional Dir. PCSUPT nga si Robert Quenery nga kini ang ilang gitutukan karon ug dili lang dinhi sa Cebu City sila mupokos hasta na usab sa mga lain nga probinsya sa Central Visayas.
Lakip usab sa ilang gipangita na karon ang giingong sidikato nga maoy nagpaluyo niini.
Nasayran nga naa sa edad 9 hangtud 13 anyos ang mga bata nga giingong gi-recruit sa naasoy nga gang.
