Gimando ni Cebu Provincial Governor Gwendolyn Garcia nga dugangan ang mga nasud nga gigikanan sa mga traveler nga musulod sa Cebu Province nga mupaubos sa 14 day quarantine.
Kini human sa deklarasyon sa presidente nga anaa na kita sa State Of Public Health Emergency sigon sa gobernadora nga gawas sa mga nasud nga Sokor, China, Macau, Taiwan ug uban pa, lakip na usab karon nga ipaubos sa mandatory 14 day ang mga traveler gilan sa Italy ug Iran.
Kini gumikan kay alarming na matud pa ni Garcia ang ihap sa mga kaso sa mga nataptan ug namatay niining mga nasud.
Sa italy dunay kapin 7 mil ang nataptan samtang 300 kapin ang namatay ug sa IRan usab mukabat na sa kapin 6 mil ang nataptan ug gatusan na ang nangamatay.
Hinungdan nga muluwat na og EO ang gobernadora sa effectivity niining mandatory quarantine sa mag traveler gikan sa Italy ug Iran karong Marso 11.
Nakig-alayon na usab ang probinsya sa BI ug naa ra matud pa sa mga traveler kung mupa ubos kini sa 14 day quarantine o muuli sa ilang point of origin. (with reports by Bombo Eric Amaro/fdp)
