CEBU CITY– Emosyonal si Police Colonel Garma ang Cebu City Police Office Director nga nagpasalamat sa mga Cebuano sa suportang gihatag niini sa iyang paglingkod sa siyudad isip head sa CCPO.
Kini human nga gi-assign ni Presidente Rodrigo Duterte si Garma isip bago nga General Manager sa Philippine Charity Sweepstakes Office (PCSO).
Sa pakighinabi sa Bombo Radyo Cebu kang Garma, giingon niini nga nindot kaayo ang Cebu City sanglit daghang man kini og opurtunidad hinungdan nga gi-awhag niini ang matag usa nga dili kini tugutang maguba kini sa mga iligalista.
Dili lang matud pa trabaho sa mga pulis ang pagpagpakgang sa iligal nga drogas inay kinahanglan usab ang kooperasyon sa komunidad butang nga gusto ni Garma nga masabtan sa publiko.
Gani nasayangan pa si Garma tungod kay daghan pa unta siyay himoon alang sa drug campaign apan wala man kini koordinasyon sa City government. Hayan nanghinaot si Garma nga dunay matabang sa kapulisan ang incoming administration.
Samtang andam na usab matud pa ang bago nga CCPO Dir. nga si Police Colonel Roderick Mariano sa mga programa nga gisugdan ni Garma.
Kini human usab sa official turnover ceremony kung diin gisiguro usab niini nga himoon niya ang tanan para mamahimong hapsay ang lalawigan sa Cebu ug ipasulabi ang tawhanong katungod. Ingon man usab ang pakig-alayon sa mga LGU’s.
Si Mariano ang gikan sa Camp Crame.
