Nakunhuran ang gasto sa mga proyekto sa lokal nga kagamhanan sa dakbayan sa Sugbo gikan sa P6.8 bilyon, nahimo na kini og P832 milyones sulod lang sa 100 ka adlaw sukad nga milingkod si Cebu City Mayor Nestor Archival.
Mao kini ang iyang gipaambit nga gipaubos sa iyang administrasyon ang deficit pinaagi sa reporma ug adjustments sa paagi sa paggasto sa siyudad sa kwarta niini, diin ang 2025 nga giaprobahan nga budget sa siyudad nagkantidad og P15.6 bilyon, apan sa gilauman nga anaa nalang kini sa P10 bilyones.
Gawas sa pundo, nakunhuran usab ang mga emplyeado sa City hall nga usa sa mga rason nga nikunhod ang coasting gikan sa 8,569 nga trabahante nga nagkantidad og P702.5 milyones, mius-os kini ngadto sa sa 6,014 ug nakunhuran usab ang gasto ngadto sa P450 milyones.
Mius-os usab ang gasto sa gasolina gikan sa P12.2 milyones kada bulan ubos sa miaging administrasyon ngadto sa P8.7 milyones, nga mnakadaginot og P3.5 milyones kada bulan.
Gipaambit usab sa mayor nga nagtukod og “roadmap,” ang kasamtangang administrasyon, usa ka hiniusang direksyon nga gipaambit sa tanang mga departamento aron masiguro ang hapsay nga koordinasyon ug mas paspas nga paghatod sa proyekto.
Ingon man nga tataw ug nasabtan kini sa tanang departamento busa wala na sila naglisod.
