Gatusan ka deboto, misalmot sa tinuig nga “Walk with Mary” alang sa pagtimaan sa adlawng natawhan sa mahal nga birhen

CEBU CITY-Gatusan ka mga deboto sa Mahal nga Birhen Maria ang misalmot sa tinuig nga Walk with Mary alang sa pagtimaan sa iyang adlawng natawhan niini sa umaabot nga Biyernes, Septiyembre 8, 2023.

Ang tema karong tuiga mao ang “Our Blessed Mother as Companion for a Synodal Church”, nga gipangulohan sa Association of the Children of Mary Immaculate-Vincentian Marian Youth Archdiocese of Cebu.

Mismo si Arsobispo Jose Palma uban sa mga kaparian sa Artsidyosesis sa Sugbo maoy nangulo sa prosesyon uban sa katawhan sayo sa buntag sa Domingo, Setyembre 8, 2023.

Nagsugod ang prosesyon gikan sa Asilo de la Milagrosa Chapel Grounds paingon sa Plaza Independencia diin gipahigayon ang santos nga misa nga gipangulohan sa arsobispo.