Gatusan ka mga sabongero nasikop sa gipahigayon nga operasyon sa usa ka tigbakayan sa Lungsod sa Minglanilla

Nasikop ang gatusan ka mga sabongero sa gipahigayon nga operasyon sa kapulisan sa usa ka tigbakayan sa Barangay Calajoan, lungsod sa Minglanilla.

Gipangulohan ang maong operasyon sa hepe sa Minglanilla Police Station nga si Police Major Arieza Otida.

Mikabat sa 200 ka mga sabongero ang gipusasan sa kapulisan human nga na-atlan gayud sa ilahang gipahigayon nga tigbakay.

Nasakmit sa kapulisan ang mga manok igsasabong, mga gamit nga pang-sabong, ingon man salapi nga mikabat sa P150,000 diin gituohang gigamit sa mga sabongero sa pag-taya sa maong sugal.