CEBU – Karong umaabot nga semana santa lauman ang pagdagsa sa katawhan, ilabi na ang kalihokan sa Visita Iglesia.
Kini gumikan human sa duha ka tuig, nabalik na ang normal nga kalihokan sa Simbahang Katoliko ilabi na karong Holy Week.
Matod pa ni Dr Mary Jean Loreche, ang chief pathologist sa Department Of Health – Central Visayas, nga karong panahon sa Visita Iglesia kinahanglang pabilin gihapon nga mosunod sa mga protocols ilabi na nga gilauman ang pagdagsa sa katawhan nga gikan sa nagkadiyang lugar.
Hangyo ni Loreche sa publiko nga gawas sa hugot nga pagsunod sa pagsul-ob sa facemask, pagdala og alcohol og social distancing kinahanglan usab nga magdala og tubig mainom o magsul-ob og komportableng sinina karong umaabot nga semana santa o sa Visita Iglesia tungod grabe na kainit karon ang panahon og dili lang si Covid ang angay huna-hunaon.
Nanawagab usab kini sa publiko ilabi na kadtong wala pa nakabakuna sa pagpabakuna na og sa uban nga magpaturok na og booster aron pabilin nga mas mapanalipdan ingon man mubo pa kaayo ang pecentage sa nakapabooster na sa Central Visayas.
