CEBU CITY-Dako ang pagtoo ni PLt. Col. Maribel Getican nga nakab-ot na sa mga kababayn-an ang ang patas nga katungod kung maghisgot sa natad sa pagpangulo sa usa ka institusyon.
Kini subay sa paghandom sa International Womens Day karong adlawa nga dunay tema nga “Generation Equality: Realizing Women’s Rights”
Isip hepe sa Danao PNP, matud ni Getigan sa dihang nahinabi atol sa Zona Libre Progam nga sa kasamtangan, kung leadership lang ang hisgutanan, daghan na ang kababayn-an nga nangulo sama sa nga daghang hepe nga babae sa mga police station sa PRO-7.
Dugang pa ni Getigan nga mismong ang director sa Cebu City Police Office (CCPO) sa una nga si kanhi PCol. Royina Garma ang babae usab. Gihimug-atan usab ni Getigan nga dako usab ang bintaha isip usa ka babae nga hepe sanglit mas musalig ang komunidad.
Hinoon dili gyud malikayan nga mapuno sila sa pagsaway ug kwestyonon ang ilang kapasidad.
Kahinumduman nga niining semanaha lang, gipasidunggan sa PRO-7 ang Danao PS isip ‘best station’ butang nga gikalipay og dako ni Getican.
Pagpaambit pa niini nga mission sa Ginoo alang kaniya ang iyang pagkapulis sanglit wala niya damha nga dinhi siya dad-on sa iyang karera human nga si Getigan kanhi usa ka magtutudlo.
