George Clooney, nalipay sa pagka-apil nominasyon sa Tony Awards

Malipayon karon ang American actor nga si George Clooney human nakadawat sa iyahang unang nominasyon sa Tony Awards.

Siya nalakip isip best actor nominee sa iyahang performance sa Broadway show nga “Good Night, and Good Luck.”

Makigsangka siya maong nominasyon sa mag-aawit nga Pussycat Dolls nga si Nicole Scherzinger sa iyahang performance sa “Sunset Blvd”, Sarah Snook sa “The Picture of Dorian Gray” ug Bob Odenkirk sa show nga “Glengarry Glen Ross”.

Matud pa sa beteranong Hollywood actor, wala siya’y ikasulti tungod kay wala siya magtuo nga maapil siya.

Subay niana, gipasalamatan niya ang mga misalmot sa maong dula tungod sa nindot nga talento nga ilang gipakita.