Giangkon ni Gerald Anderson nga siya ang sad-an sa panagbuwag nila ni Julia Barretto, apan hugot niyang gihimakak ang mga pasangil nga nalambigit siya sa volleyball player nga si Vanie Gandler.
Sa vlog ni Ogie Diaz, giklaro ni Gerald nga wala siya kaila ni Vanie ug wala siyay komunikasyon niini. Matud pa niya nga duna pay laing rason ang panagbuwag nila ni Julia ug Gerald apan gipili ni Gerald nga dili na lang ibutyag.
“Una sa tanan, giklaro niya nga dili si Vanie Gandler ang hinungdan,” ingon ni Ogie.
Giangkon usab ni Gerald nga nasakitan siya pag-ayo sa mga bashers ug nanghinaot nga mahuman na ang maong isyu.
Gianunsyo sa ilang mga talent agencies ang ilang breakup niadtong September 18. Wala pay pamahayag sila si Julia ug Vanie bahin sa maong isyu.
