Na-ugdaw ang 12 ka mga panimalay, diin 11 niini ang totally damaged samtang ang 1 partially damage tungod sa sunog nga niulbo kaganinang pasado alas 6:00 sa buntag sa B.Aranas St. Duljo Fatima Cebu City, Oktobre 15, 2025.
Sa imbestigasyon sa Cebu City Fire Office Region-7, gibana-banang niabot og 1, 192,500 ang danyos sa kadaot nga gibilin sa maong sunog, ug nagsugod ang kayo sa panimalay ni Raul Cabanes.
Hinuon, wala ray natala nga mga nakalas nga kinabuhi ingun man mga naangol sa maong sunog, apan, ubay-ubay ang mga kahayupan nga gitabang kay nasuffocate na kini, pero bisan paman, adunay nakalas gihapon nga duha ka iro kay pakyas kining narescue hinungdan nga namatay kini kay na atlan man nga nagpabiling gipanghigot kini sa tagsa-tagsa ka mga tag-iya.
Ekslusibong nahinabi sa Bombo Radyo Cebu team si Dheve Claver, kinsa tag-iya sa duha ka mga nangamatay nga iro nga sila si Thunder ug Rushie, diin iyahang naasoy nga nahabilin kining nakahigot ang duha kay gi-una pa niya nga naikyas ang laing duha ka mga iro niini.
Si Dheve, kinsa gikan pa sa iyahang duty, nanghubag ang mata tungod sa hinilak nunot sa nahiaguman sa iyang binuhing mga iro, kinsa uban ug gi-atiman niya sulod sa 7 ka tuig.
Samtang, gideklara nga fire undercontrol sa Cebu City Fire Office alas 7:14 sa buntag, samtang sa alas 7:22, hingpit na nga napawng ang kayo nga nitumaw sa naasoyng dapi
