Cebu City-Gibasol ni Cebu City Mayor Tomas Osmena ngadto na sa kapulisan ang sunud-sunud nga patay nga nahgitabo karon sa Sugbo.
Matud ni Osmena nga pagsulod nilang Police Chief Supt Debold Sinas ug ni Police Sr Supt Royina Garma, nag sagunson na matud sa mayor ang patay sa Sugbo.
Gikunmparar usab niini sa panahon ni kanhi police Sr Supt joel Doria diin naapsan pa sa Cebu City Police Office ang performance sa ubang mga police stations lukop nasud. Lig-on gihapon ang Baruganan ni sa Mayor nga ang kapulisan maoy nagpaluyo sa mga patay nga nahitabo karon sa lokalidad.
Wala na sab kini salig sa ipahigayong senate inquiry gumikan kay alang kaniya kutob ra gihapon kini sa sulti.
Nasayran nga dili muubos sa 180 na katao ang namatay sa Cebu sukad niadtong buwan sa Hunyo hangtud Oktubre niining kasamtangang tuig. Ug sagad niini mga biktima sa pagpamanhig sa wala pa mailhing mamumuno.
