Giilang alias “Pahak” sikop atol sa buy-bust operation sa Sambag 2 ning dakbayan sa Sugbo

CEBU CITY-Sikop sa kapulisan sa Abellana Police Station 2 ang usa ka lalaki nga giilang street level individual sa kalambigitan niini sa illegal nga drogas sa Sitio San Juan, Barangay Sambag 2, ning dakbayan sa Sugbo.

Giila ang dinakpan sa alias nga “Pahak”, usa ka 59-anyos nga lalaki diin nakuhaan kini ug 5-ka gramo sa gitoohang illegal nga drugas nga nagbalor og 34,000 pesos niadtong Biyernes Agosto 2, 2024.

Gilusad ang maong operasyon sa drug buy-bust sa sakop sa Drug Enforcement Unit sa maong istasyon.

Pasakahan sa kasong may kalapasan sa RA 9165 o Comprehensive Dangerous Drugs Act of 2002 ug kasamtangang anaa sa kustodiya sa Abellana Police Station 2.