CEBU CITY-Nasakmit sa buy-bust operation sa kapulisan sa Abellana Police Station 2 ang dul-an P200-K nga balor sa gitoohang shabu ang nasikop ang usa ka lalaki sa Brgy. Kamputhaw ning dakbayan sa Sugbo, Hulyo 7, 2024.
Giila ang suspetsado nga usa ka 40-anyos nga nailhang si alyas “HAPON”.
Nakuha gikan sa suspek ang buy-bust money ug nagkadaiyang pakete sa gitoohang shabu nga mukabat sa kapin sa P170,000.00 nga adunay 25 gramos ang timbang.
Kasamtangan anaa sa kustodiya sa Abellana Police Station 2 ang suspek ug nag-atubang sa kasong pagpamaligya ug paghupot ug illegal nga droga ubos sa R.A. 9165 o Comprehensive Dangerous Drugs Act of 2002.
Ang gitoohang ilegal nga droga gidala sa buhatan sa Cebu City Forensic Unit, arun sa eksaminasyon.(CCPO PIO)
