CEBU CITY-Midangop sa Barangay Hall sa Kinasang-an sa dakbayan sa Sugbo ang tulo ka nga babaye nga giingong gisuwayan sa pagdagit sa mga lalake nga nangita ni alyas ‘Tangkag’ nga sakay og Toyota Innova kolor metalic grey duol sa usa ka dakong tindahan nga sakop sa maong barangay.
Una niini, adunay post sa social media nga nag-ingung ang tulo ka babaye manag agaw nga gisuwayan sa pag bitad sa mga lalake nga sakay sa sakyanan maayo nalang kay nakadagan ug timaan niini nagisi ang senina sa usa sa mga biktima.
Subay niini gibutyag ni Police Colonel Ireneo Dalogdog ang hepe sa Cebu City Police Office nga tungod niini iyang gimandoan ang hepe sa Inayawan police station nga makig alayon sa Barangay Kinasang-an aron masugdan nila ang ilang imbestigasyon.
Kinahanglan nga ang maong mga babaye moadto sa police station aron pormal nga magpa blotter tungod kay sa pamahayag sa barangay tanod wala na mohinayon sa pag reklamo ang inahan sa dihang gitambagan matod pa sila nga ipa blotter ang maong insidente.
Gipasusi na ni Dalogdog ang mga CCTV Camera sa dapit diin giingong gisuwayan og dagit ang maong mga babaye aron makita ang plate number sa sakyanan ug ila kining ipa tan-aw sa Land Transportation Office 7 ug ipatawag ang tag-iya niini.
