METRO MANILA-Gisusi sa Department of Social Welfare and Development (DSWD) ang mga taho nga nadawat sa giingong pag-tamper sa mga food packs sa pamilya nga gipang-apod-apod sa ahensya.
Matod ni DSWD Secretary Rex Gatchalian, una nga nakadawat og reklamo ang ahensya kabahin sa tampering sama sa wala paghatag og full content sa food packs ug uban pang susamang reklamo.
Dugang pa ni Gatchalian, gukdon sa ahensya ang mga indibidwal nga nagtrabaho sa maong sistema.
Gihatagan niini ug gibug-atan nga walay katungod ang bisan kinsa nga kwaan o tangtangon ang sulod sa food packs.
Matod niya nga ang mga kahon sa FFP adunay selyo sa DSWD ug listahan sa mga sulod.
Kung diin ang matag kahon adunay unom ka kilo nga bugas, upat ka de-lata nga tuna, duha ka de-lata nga sardinas, upat ka corned beef, lima ka sachet sa 3-in-1 nga kape ug lima ka sachet sa cereal drink.
Kinahanglan nga eksakto gyud ang sulod sa FFP boxes nga makuha sa mga biktima.
Kung adunay kulang, gidasig sa opisyal ang mga benepisyaryo nga i-report kini sa mga lokal nga opisina sa DSWD.
